--Ads--
Nagpanawagan ti Independent Commission for Infrastructure iti naun-uneg nga imbestigasion iti pannakatay ni dati a DPWH Usec. Maria Catalina Cabral.
Segun iti ICI, masapul a masigurado nga awan ti foul play iti pannakatay ni Cabral kalpasan a masarakan iti igid ti Ilog Bued idiay Tuba, Benguet gapu iti mapapati a pannakatinnagna.
Pinasingkedan met ni ICI Executive Director ken Spokesperson Atty. Brian Hosaka a posible a dagiti responsable iti pannakatay ti dati nga opisial ket karaman met laeng iti maanomalya a flood control project.
Kiniddaw ti komision a masigurado ken pagtalinaeden dagiti otoridad dagiti amin a dokumento, gadget, ken computer ni Cabral para iti posible a digital forensic examination.
-- ADVERTISEMENT --
