Pinalubosan ti International Criminal Court (ICC) ni dati a President Rodrigo Duterte nga agliway iti annual detention hearing inton February 27 a maysa nga addang a nakadismayaan dagiti biktima.
Iti nairuar a desisyon ti Pre-Trial Chamber 1 idi kalman, maibagbaga nga awan ti nakalanad iti legal framework iti korte a mangobligar iti personal a panagdar-ay ti suspek.
Immunan a nagipasa ti depensa ti written waiver a mangpaneknek a maawatan ni Duterte dagiti epekto iti panagliwayna ken pinilina nga adda mangibagi kenkuana nga abogado.
Para iti Common Legal Representatives of Victims, ti agtultuloy a saan a panagsango ni Duterte iti korte ket extra disappointing.
Segun ken ni Common Legal Representatives of Victims counsel Paolina Massidda, mangnamnama dagiti pamilia a makitada ti dati a presidente a sumungbat kadagiti mahistrado.
Iti baet dayta ket naragsakan dagiti abogado iti nalawag a presentasyon iti ebidensya iti Prosecution.
Impaganetget ti Common Legal Representatives of Victims nga agtaltalinaed nga anonymous dagiti biktima iti panangilanad dagiti istoryada kas napateg nga addang para iti kinatalged ken seguridadda.
