Posible a mapan idiay Thailand dagiti kongresista a mangidadaulo iti House Quad Committee tapno kasaritada ti nagpapaamo a Chinese spy a ni She Zhijang.
Segun kenni Quad Comm Overall Chairman ken Surigao del Norte 2nd district Rep. Robert Ace Barbers, panggep ti planoda a maimbestigaran ti ibagbaga ni She Zhijang a ni dati a Mayor ti Bamban a ni Alice Guo, nga awaganna a Guo Hua Ping, ket maysa met nga espia para iti China.
Nupay kasta, dinakamat ni Barbers nga awan ti kasiguraduan a palubosan ida dagiti autoridad ti Thailand a makipagkita ken makisarita ken She Zhijang.
Gapu dayta, inallukoy ni Barbers dagiti maseknan nga ahensia kas iti Philippine National Police (PNP), Department of Justice (DOJ) wenno dagiti opisial ti embahada a makisarita kadagiti counterpart da idiay Thailand tapno maalaan ti testimonia ti nasao a Chinese Spy a makatulong iti imbestigasion ni Guo.
