--Ads--
Pinasingkedan ni House Prosecutor Representative Terry Ridon a nakapokus ti house prosecution panel iti nasayaat ken napardas a panangidatag ti ebidensia iti impeachment trial ni Vice President Sara Duterte.
Segun ken ni Ridon, gagem ti prosecution a malpas ti panangidatag ti ebidensia iti kabiitan a panawen tapno maaddaan a dagus ti resolusion ti kaso.
Innayon ti agpampanday linteg a saan da a kayat a pabayagen ti trial wenno maiyadayo daytoy kadagiti isyu nga awan ti pakainaiganna iti merito ti kaso.
Iti agdama ket malmalpasen ti Article IV iti articles of impeachment ket manamnama a ti maudi s testigo ti prosekusyon ken ni National Bureau of Investigation Director Atty. Melvin Matibag.
-- ADVERTISEMENT --
