--Ads--
VIGAN CITY – Inbilin ti Court of Appeals idiay Dili, Timor Leste a maidalan ni dati a Negros Oriental Representative Arnolfo “Arnie” Teves Jr. iti house arrest.
Segun iti Timor-Leste media agency, agnanaed iti agdama ni Teves iti maysa a balay a renrentaanna ti $10,000 iti kada bulan kadwana ti asawa ken dua nga annakna kasta pay nga adda ti duapulo nga empleyadona a buklen ti sangapulo a Pilipino ken sangapulo a Timorese.
Innayon ti korte a mangmangged ni Teves kas partner ti maysa a construction firm .
Maipalagip nga agtutuon a kaso ti pammapatay ti sangsangwen ni Teves ken inbilangen a terorista ti Anti-Terrorism Council.
-- ADVERTISEMENT --
