Napaay da Honeylet Avanceña ken Veronica “Kitty” Duterte a makita ni dati a Presidente Rodrigo Duterte kagiddan ti maika-walo pulo a tawen a panagkasangay ti dati a presidente.
Iti baet a nakasangpet idiay The Hague dagiti agina tapno bisitaen ni Duterte ket saanda a napalubosan a simrek iti Scheveningen Prison, ti detention center iti International Criminal Court (ICC) nga ayan ti former president a mangur-uray ti trial-na para ti kasona a crimes against humanity.
Nupay kasta ket nagyaman ni Kitty kadagiti Filipino communities idiay Europe ken intero a lubong iti panangsuportarda iti pamilia Duterte.
Kiddawna a saanda nga agsardeng a suportaran ti dati a presidente para iti pannakaiyawidnan iti pagilian.
Kalikagumna para ti amana ita a kasangayna iti nasayaat a kasasaad ti salun-atna ken namnamaenna a mangan latta bayat iti kaadana iti ICC detention center.
Kabayatanna, ti birthday wish met ni Vice President Sara Duterte para iti amana ket mawaya-wayaanen manipod detention facility ket impanawaganna nga ikararagan ti pannakaipaay ti nasalun-at ken napaut a biag ti dati a presidente.
