--Ads--
Naituding a rugian ti Sandiganbayan inton Abril 7 ti trial iti kaso a graft kontra ken ni Ramon Bong Revilla Jr. ken dagiti 6 a dadduma pay nga akusado mainaig iti mapapati a P92.8 million a ‘ghost’ flood control project idiay Bulacan.
Nalpasen ti pre-trial ket nagipasa dagiti witness ken ti prosekusyon ken depensa iti ebidensia.
Nagpiansa ni Revilla iti P90,000 para iti graft case ngem agtaltalinaed a nakabalud gapu iti agsina a kaso a malversation nga awan piansana.
Segun iti Office of the Ombudsman, pinaruar dagiti akusado a nalpasen ti proyekto uray awan ti aktwal a konstruksyonna, banag a pinaglibakan ni Revilla.
-- ADVERTISEMENT --
