Pinainget ti gobierno ti Pilipinas ti panangbantay ken transparency measures iti West Philippine Sea.
Kagiddan daytoy ti balaag ti tallo nga eksperto a mabalin a paset ti atiddog a plano ti China ti panagaramid ti artificial island iti Bajo de Masinloc o Scarborough Shoal.
Pinasingkedan ni Philippine Coast Guard spokesperson for the West Philippine Sea Rear Admiral Jay Tarriela nga agtultuloy ti maritime surveillance flights ken panag-deploy ti Coast Guard vessels tapno bantayan ken kwestyonaran ti presensya dagiti Chinese research vessels iti uneg ti shoal.
Gagem ti transparency campaign nga ipakaammo iti international community dagiti paspasamak iti Bajo de Masinloc ken malapdan ti aniaman a gandat a mangipasdek ti permanente a presensiya ti China iti lugar.
