Ipatungpal ti Philippine National Police (PNP) ti full alert status iti intero a pagilian manipud Oktubre 30 agingga Nobiembre 2 sakbay ti pannakarambak ti All Saint’s Day ken All Soul’s Day wenno Undas.
Segun ken ni PCol. Allen Rae Co, ti hepe ti Public Information Office ti Philippine National Police (PNP), a panggepna a pagbalinen a natalna ti panagdalyasat dagiti agawid iti probinsia da kasta met ti panagbisita ti publiko kadagiti kamposanto.
Ti pulisya ket mangideploy iti 72,501 a polis malaksid pay iti dandani 17,000 a personnel manipud iti Armed Forces of the Philippines, Philippine Coast Guards ken sumagmamano nga ahensia.
Nasinged met ti relasion dagiti polis kadagiti nadumaduma a yunit ti gobierno lokal tapno masigurado a maipatungpal ti seguridad.
