Nangipatungpal ti Civil Service Commission, Commission on Audit, ken Department of Budget and Management iti limitasion iti panagala kadagiti contract of service ken job order workers iti gobierno iti salinong ti Joint Circular No 1, series of 2025.
Maipalubos latta ti panagala kadagiti contract of service ken job order worker ngem saan a mabalin a lumabes iti bilang agingga iti katapusan ti 2025, tapno masolusyonan ti agtultuloy a contractualization iti gobierno.
Sakup iti patakaran dagiti national government agencies, GOCCs nga adda original charters, state universities and colleges, ken constitutional bodies, ngem saan a karaman dagiti local government units.
Nabilin pay dagiti ahensia a kitaen a nalaing ti staffing needs-da, mangaramid iti Optimization Plans, ken ikonsidera dagiti agdama a contract of service, ken job order workers para iti posible a pannakayakarda iti regular position.
