Nagtulagan da Agriculture Secretary Francisco Tiu-Laurel Jr., Sugar Regulatory Administration (SRA) Administrator Paul Azcona, ken SRA Board Member ken Farmers’ Representative Dave Sanson nga awan pay laeng iti mapasamak a panagangkat ti asukar agingga inton sumaruno a tawen.
Ti addang ket tapno masolbar iti sangsangwen dagiti sugar farmer a nalaka a presyo ti raw sugar.
Segun ken ni Tiu-Laurel, kasapulanda pay a leppasen ti finish significant milling ken maaddaan iti nangato ken umdas a production figures iti pagilian sakbay nga ag-import.
Kasapulanna pay a masigurado a nu maangkat ti asukar ket para laeng iti classified C wenno reserve sugar.
Siguradoen ti Department of Agriculture (DA) a maaddaan ti two-month buffer stock a reserve sugar a saan a mairuar iti tiendaan.
