Agpada a nadunor dagiti nagkalubbon iti motorsiklo gapu iti pannaka-aksidenteda iti Municipal Road, Barangay Salapasap, Cabugao, Ilocos Sur idi rabii, March 22, 2026.
Ti nagmaneho iti Rusi 125 motorcycle ket lalaki nga agtawen iti duapulo ket dua idinto a ti backride-na ket agtawen iti duapulo nga agpada nga agnaed idiay Barangay Dardarat, Cabugao.
Sakbay iti aksidente ket agturong iti amianan a direksyon ti motorsiklo idin nadanonna iti agsikko a paset, ngem nagderetso latta ti motorsiklo a gappuanan iti pannakaidungparna iti kongkreto nga alad a gappuanan iti pannakatumbada igid iti kalsada.
Gapu dayta ket nagsagaba iti dunor iti kannawan a saka ken nagasgasan iti agduduma a paset ti bagi ti nagmaneho idinto a ti backride ket nagsagaba iti gasgas iti tumengna isu nga agpadada a naipan iti Suero General Hospital para iti pannakatamingda.
