Imbilin ni Pres. Ferdinand Marcos Jr. a manayunan ti P50 million ti pondo para ti fuel subsidy kadagiti mannalon ken mangngalap tapno saanda unay a marigatan iti epekto ti nangina a presyo iti langis gapu iti mapaspasamak a riribok idiay Middle East.
Segun ken ni Pres. Marcos, ti nasao a pondo ket para ti regional field offices tapno masigurado nga amin a mannalon ket matulongan iti baet ti pannubok.
Ti Department of Agriculture iti mangidaulo ti distribution ti fuel subsidy para kadagiti mannalon ken mangngalap tapno matignayan ti gastoda iti panagtalon ken panagkalap.
Iti posible nga epekto met iti nangina a presyo iti langis iti abono ket kinuna ni Marcos a makipatpatangen iti gobierno iti agduduma a pagilian nga agar-aramid iti abono tapno masigurado nga agtultuloy iti suplay.
Innayonna nga umdas agingga Abril ti suplay ti abono isu a maisagsaganan iti suplay para iti bulan ti Mayo ken Hunyo.
