Impakaammo ni British-Israel lawyer Nicholas Kaufman a legal counsel ni dati a Pres. Rodrigo Duterte iti International Criminal Court (ICC) a saan a laplapdan iti gobierno iti Pilipinas iti interim release ti kliyentena.
Iti maysa a filing iti ICC Pre-trial Chamber 1, pinasingkedanna ti sarita ni Palace Press Officer Claire Castro a sumurot ti Marcos administration iti agbalin a sentensya ti korte maipanggep ti temporaryo a pannakawaya-waya ni Duterte.
Sumangsango ni Duterte iti tallo a bilang iti murder iti kaso a crimes against humanity maipanggep iti nadara a war on drugs a nakatayan iti 30,000 a tattao kas kinuna dagiti human rights group.
Insanud ti international tribunal iti confirmation of charges idi September 23 kasaruno iti apela ni Kaufman nga “unfit” ni Duterte, a kinontra ti Office of the Prosecutor ken dagiti biktima gapu iti agduduma a sarita iti kampo ti Duterte mainaig iti pudno a kasasaad ti dati a presidente.
