--Ads--
Awan plano ti gobierno nga umutang kadagiti international lending institution tapno manayonan ti pondo a pangbaklay iti repatriation dagiti maapektaran nga overseas Filipino worker iti Middle East.
Segun ken ni Palace Press Officer Atty. Claire Castro, nakapatangnan ni Finance Secretary Frederick Go ket kunana nga awan planoda nga umutang iti gobierno.
Kunana a makanay ti pondo ti gobierno para kadagiti OFW ken nakasaganada a mangted iti supplemental budget no kasapulan.
Immunan a pinasingkedan ti Department of Migrant Workers nga adda P3 billion agingga P4 billion a contingency fund ti ahensia ken Overseas Workers Welfare Administration a maaramat para kadagiti OFW a maapektaran iti riribuk.
-- ADVERTISEMENT --
