VIGAN CITY – Maragsakan ni Governor Ryan Singson iti nagbalin a resulta ti pannakaipatungpal ti Modified Enhanced Community Quarantine ti probinsya iti uneg ti duwa a lawas.
Ti pannaki-uman ti Bombo Radyo Vigan kenni Singson, bimmasit ti bilang dagiti nagpositibo ti virus manipod naipatungpal idi ti MECQ ti duwa a siyudad ken duwa nga ili ti probinsya.
Awanen ti local transmission ti virus ditoy probinsya ta awanen iti ebidensya wenno pakakitaan nga adda pay ti virus kadagiti umili ti lokalidad ta kaadduan a baro a kaso ti probinsya ket manipod kadagiti locally stranded individual ken returning overseas filipino worker.
Innayon ti gobernor a no man nagsubli tayo ti modified general community quarantine masapol a suruten dagiti umili ti minimum health standards.
