Nagpanawagan ni Senate President Sherwin Gatchalian nga aramiden a mas localized ken targeted ti panangsuspenso ti klase imbes a system-wide ti suspension.
Segun ken ni Gatchalian, napateg a maliklikan ti learning loss kangrunaan no doble-doble a maitantan ti face-to-face classes gapu iti saan a nasayaat a paniempo.
Pinasingkedan ti senate presidente a maawatan da nga unaen ti kinatalged dagiti estudyante ken mangisursuro ngem no nalabes ken nalawa ti suspension ti klase ket mabalin a kumaro ti learning loss.
No natalged ti maysa a lugar, masapul a palubosan a matuloy ti klase kadagiti pagadalan wenno lugar a saan nga apektado ti saan a nasayaat a paniempo.
Iti napalabas a 30 nga aldaw, umabot iti dandani 20 nga aldaw ti face-to-face learning ti naitantan iti agduduma a paset ti paguilian gapu kadagiti suspension ti klase.
