--Ads--
Umaboten iti nasurok P10.5-B ti gatad dagiti nadadael iti imprastraktura gapu iti habagat ken dagiti bagyo Crising, Dante, ken Emong, maibasar iti National Disaster Risk Reduction and Management Council.
Apektado ti 1,438 a pasilidad kadagiti sangapulo a rehion – kadakkelan a nairekord iti Central Luzon a P3.8B ken Ilocos Region a P3.1 B, sarunwen iti Cordillera a P1.2 B, Calabarzon a P1B, ken Mimaropa a P701M.
Nadadael pay met ti 736 a kalsada, 43 a rangtay, ken 55,550 a pagtaengan idinto a P2.2 bilion ti nadadael iti agrikultura.
