--Ads--
Nakasagana ti Malakanyang a mangadal iti pannakaitantan manen ti Barangay ken Sangguniang Kabataan Elections tapno makainut ti gobierno iti epekto ti riribuk iti Middle East.
Kasaruno dayta ti panangibaga dagiti dadduma nga agpampanday-linteg a mabalin nga umabot iti P16 billion ti matiped no saan a matuloy ti eleksion.
Segun ken ni Palace Press Officer Claire Castro, ikonkonsidera ni Presidente Ferdinand Marcos Jr. ti ania man a gakat no la ket mangpasayaat iti pagilian.
Nupay kasta, nakadepende latta ti decision iti posible a linteg a maipila iti Kongreso para iti pannakaitantan ti BSKE.
-- ADVERTISEMENT --
