Adalen pay a nalaing ni Presidente Ferdinand Marcos Jr. ti gakat a mangitantan ti 2026 Barangay and Sangguniang Kabataan Elections (BSKE) sakbay a mangted ti posision iti patangan.
Pinasingkedan ni Palace Press Officer Atty. Claire Castro a saan a dagus a suportaran ni presidente Marcos ti nadakamat a gakat a saan a maammuan ti rason no apay a maitantan ti BSKE.
Maysa kadagiti nangisingasing ti gakat ni Senador Francis Chiz Escudero a nangibaga a mabalin a makatiped ti gobierno ti P16 bilyon no maitantan manen ti eleksion inton Nobiembre 2.
Maipagarup a mabalin a maaramat ti matiped para kadagiti sektor nga apektado ti krisis iti enerhiya gapu ti tension idiay Middle East.
Nupay kasta, pinasingkedan ni Castro nga aniaman a gakat a maaramat a rason iti energy crisis tapno ikalintegan ti panangitantan ti eleksion ket masapul ti natibker ken nalawag a basaran para iti nadakamat nga addang.
