Nakapasan iti House Committee on Children Welfare ti House Bill 8987 wenno ti gakat a mangdusa kadagiti nagannak wenno ama a saanna a kayat a sustentoan dagiti anakda.
Segun iti kangrunaan a nangputar iti gakat a ni House Deputy Majority Leader ken Deputy Majority Leader ken ACT CIS Partylist Rep Erwin Tulfo, nasken a mabalud iti innem a tawen dagiti ‘deadbeat’ father a saanna kayat ti mangsuporta iti anakna.
Dinakamat ni Tulfo a ti ited a suporta ti ama iti anakda ket depende iti kasapulan ti ubing.
Bilbilinen ti gakat ti Department of Social Welfare and Development a makitinnulong iti National Economic and Development Authority iti panangituding no mano ti nasken a maawat a suporta dagiti anak.
Immapela ti kongresista kadagiti padana nga agpampandaylinteg nga ipasan ti gakat iti kabiitan a panawen tapno madusa dagiti awan pusona a nagannak wenno ama a pinagtallikudandan ti responsibilidadda iti anakda.
