Inawagan ni former Ilocos Sur Governor Luis Chavit Singson a ‘drama’ ti pannakaipila ti kaso ken pannakakemmeg ni dati nga House speaker Martin Romualdez.
Iti pannakiuman ti Bombo Radyo Vigan ken ni Singson, natalek isuna a saan a maituloy ti kaso ni Romualdez gapu ta posible nga adda ti plano nga ar-aramiden da tapno saan na nga inaganan ni Presidente Ferdinand Marcos Jr. nga adda iti likudan ti maanomalya a flood control projects.
Mapapati a delaying tactics laeng ti ar-aramiden ti dati nga house speaker tapno makapanunot ti sabali a plano agingga saan a maituloy ti kaso.
Kinarit ti dati a governor ni Romualdez nga inaganan na ni presidente Marcos no adda kinapudno ti pannakatili-na.
Kabayatanna, mamati ni Singon a saan nga agpayso a natiliw ni Romualdez gapu ta mapapati a saan a nasurot ti husto a proseso kas ti pannakaposas, ken saan nga husto a pannakisuot ti detainee uniform.
