--Ads--
Adda naan-anay a suplay ti taraon ti gobierno suposopan ti kasapulan dagiti naapektaran ti kalamidad.
Daytoy ti impasigurado ni Department of Social Welfare and Development (DSWD) Secretary Rex Gatchalian iti baet ti agtultuloy a mapadpadasan a panaglayus iti Metro Manila ken sumagmamano a probinsia gapu ti epekto ti Habagat.
Pinasingkedan ni Gatchalian nga imbilin isuda ni Presidente Ferdinand Marcos Jr. a papigsaen ti panangipaay ti relief goods kadagiti lugar a naapektaran ti layus.
Agtultuloy ti relief operation ken nainget a mamon-monitor ti distribution of relief goods tapno masigurado a natalged a makadanon iti husto a pamilia dagiti tulong ti gobierno.
-- ADVERTISEMENT --
