VIGAN CITY – Naisayangkat iti pannakaipaima iti tulong manipod gobierno national kadagiti naapektaran ti Magnitude 7.0 a gingined idi napalabas a bulan.
Sangapulo a ribo a pisos iti naited kadagiti pagtaengan a naapektaran ti gingined nga umabot innem a gasut walopulo ket dua iti siudad ti Vigan.
Naipaima iti nasao a gatad babaen programa nga EHAP wenno Emergency Housing Assitance Program ti National Housing Authority.
Inatendaran dagiti nangangato nga opisyales ti nasao a panagiwaras babaen kada Department of Human Settlements and Urban Development Sec. Jose Rizalino Acuzar, DILG Sec. Benjamin “Benjur” Abalos, DSWD Sec. Erwin Tulfo, General Manager National Housing Authority Joeben Tai, Gov. Jerry Singson ken dadduma pay nga opisyales iti probinsya.
Napaspas a nalpas ti programa idiay Vigan Convention Center ket agturong dagiti nasao nga opisyales idiay probinsya ti Abra.
