VIGAN CITY – Naitaray idiay Ilocos Sur District Hospital – Narvacan da Lindel Joice Tabaldo, agtawen ti sangapulo ket dua a taga Barangay Laslasong Norte Sta. Maria kenni Mary Grace Del Mundo, agtawen ti sangapulo ket uppat a taga Nanguneg, Narvacan nga agpada nga agad-adal idiay Imelda National High School ta nadungpar ida iti agpapa-abagatan a Hyundai Accent a minaneho ti pastor a ni Marben Lagmay, agtawen ti innem a pulo ket pito a taga Barangay Baliw Laud Sta. Maria, ngem ni del Mundo ket naiyalis ti maysa a pribado nga ospital idiay Metro Vigan ta nakaro iti dunor a sinagaba na.
Segun ken ni Police Captain Arcadio Viloria, hepe ti Narvacan municipal police station, agpapa-abagatan ni Lagman ket adda kuma overtakan na a lugan iti mismo a sangwanan iti pagadalan idi eksakto a bumallasiw nga agpalaud dagiti dua a poon iti nakadungparan ken nakadunuran dagiti dua.
Agsipud ta kumpleto met iti papeles iti lugan ken adda ti lisensya iti nagmaneho ti kotse, awan iti sabali a pakaidaruman na nu bilang agreklamo dagiti pamilya dagiti biktima.
Nu pay kasta, makasoan iti nagmaneho ti kotse a nakadungpar kadagiti dua nu kasanu kagrabe iti dunor a sinagaba da.
