Agpada a nadunor dagiti nagmaneho iti motorsiklo kalpasan iti aksidente a napasamak iti national road idiay Sitio Green Hills, Barangay Elefante, Banayoyo, Ilocos Sur idi rabii, June 16, 2026.
Ti nagmaneho iti Black Honda TMX 125 motorcycle ket lalaki nga agtawen iti sangapulo ket walo, mannalon nga agnaed idiay Naguimba, Banayoyo.
Ti met nagmaneho ti Honda Click motorcycle ket lalaki nga agtawen iti sangapulo ket siam, college student nga agnaed idiay Barangay Alfonso, Del Pilar.
Segun ti driver ti TMX, aglinlinnumbada iti kaduanba iti straight line iti national road nga agturong iti daya idin nadanonda iti nasao a lugar ket impadasna nga overtake-an ti tricycle iti sangwananna ken nagpreno a gappuanan iti pannaka-outbalance-na ken aksidente a naidungpar iti sumungad a Honda Click isu a nai-darusdos iti nasurok-kumurang lima a metro manipod point of impact.
Gapu dayta ket agpada a nadunor iti agduduma a paset ti bagi dagiti driver isu a naipaagasda iti Candon General Hospital para iti pannakatamingda idinto a dagiti luganda ket nakaru iti damage-na isu a naipan iti Banayoyo Municipal Police Station para iti proper disposition.
