Desidido ti pamilia ti biktima nga agipila ti kaso kontra iti suspek a nangpaltog iti maysa a guwardya iti li ti Banayoyo.
Iti pannakiuman ti Bombo Radyo Vigan ken ni PMAJ Medward Galay, pinasingkedan na a ti suspek ket simmuko iti kabsat na a kapitan.
Segun ken ni Galay, saan a naisuko ti suspek ti naaramat a paltog iti insidente gapu ta segun kenkuana ket naregreg daytoy bayat ti pannagnana iti maysa a waig,
Mapatta patta a ti paltog nga inaramat ti suspek ket maysa a caliber 9mm.
Maipalagip a basar iti initial imbestigasyon, saan a pinastrek ti suspek ti biktima iti pagtaengan da ket idi pinilit ti biktima a sumrek ket dita metten a pinaltugan ti suspek ti ulona.
Dagus a naitaray ti biktima iti balay pagagasan ngem saan na a naispal ti biag-na.
Desidido nga agipila ti kaso dagiti kameng ti pamilia iti biktima ket mannarimaan ti pannakipatang da iti korte kasta met a madama a maal-ala ti statement dagiti witnesses para iti naan anay a pannakaipila ti kaso
