Natay ti maysa a security guard, kalpasan a napaltugan idiay Barangay Cadanglaan, Banayoyo, Ilocos sur.
Ti biktima ket agtawen iti tallopulo ket lima, residente iti nadakamat a barangay.
Ti suspek ket maysa a lalaki a residente met laeng iti nadakamat a barangay nga iti agdama ket masapsapul.
Nakaawat ti Banayoyo Municipal Police Station ti report manipud iti maysa a concerned citizen gapu iti napasamak a pammaltog ket dagus a nagresponde dagiti otoridad ket dituy a nadanonan da a nakadapla ti biktima a napaltugan ti ulo-na.
Basar iti imbestigasyon ken ti testimonia dagiti witness, pinagkedkedan ti suspek a pastreken ti biktima iti pagtaengan da ngem impilit ti biktima a sumrek, ket ditan a pinaltugan ti suspek ti ulo iti biktima babaen ti saan pay a nabigbig a kalibre ti paltog.
Naitaray ti biktima iti balay pagagasan ngem saan nan a naispal ti biag-na.
Daagus met a naglibas ti suspek kalpasan ti napasamak a pammaltog.
