VIGAN CITY – Nakemmeg dagiti dua a lallaki idinto a nakalibas ti kadua da a naginom ti arak idiay Barangay Calungbuyan, Candon City.
Nabigbig dagiti nakemmeg a da Romel Valdez, agtawen ti uppat a pulo ket siam, naasawaan, driver kenni Renato Gawat, agtawen ti lima pulo ket duwa, naasawaan ken awan iti pagsapulan na idinto a ti nakalibas ket ni Eden Lozano.
Maibasar iti inisyal nga imbestigasyon, dagiti tallo ket mapapati a nagiinom iti arak iti likudan iti pagtaengan ni Maxwen Acdal idiay Brgy. Calungbuyan, Candon City.
Nakaawat iti tawag iti cellphone ti kapitan iti nasao a barangay ket nangibaon iti mapan mangkita iti report nga adda iti agiinom iti nasao a pagtaengan ket naaktuan da dagiti tallo ngem nakalibas ti maysa isu a dagiti dua laeng iti naipan idiay Candon City hospital para iti medico legal ket sa da naipan idiay Candon City municipal police station para iti proper disposition.
