Dua ti nakemmeg iti naiwayat a buy-bust operation idiay Barangay Dean Leopoldo Yabes, Sinait, Ilocos Sur.
Nabigbig dagiti suspek a da Evangeline Rubang Imperio, agtawen iti limapulo ket lima, taga-Barangay Dean Leopoldo Yabes, Sinait ngem aggigyan idiay Barangay Pantay Daya, Vigan City (Top 13 Regional Target) ken ni Jose Arconado Tabucol, agtawen iti innem a pulo ket maysa, taga-Barangay Pantay Daya, Vigan City.
Naala kadakuada ti maysa a heat-sealed plastic transparent sachet a naglaon iti white crystalline substance ti mapapati a shabu nga agdagsen iti lima a gramo ken aggatad iti PHP34,000.
Dagiti non-drug evidence ket pakairamanan ti PHP1,000 peso-bill, tallo a piraso ti machine copy ti one thousand (boodle money), PHP15,270 iti nadumaduma a denominasyon, maysa a cellphone ken needle burner.
Sangwen dagiti suspek ti kaso a panaglabsing iti Republic Act of 9165 wenno Comprehensive Dangerous Drugs Act of 2002.
