Agpada a nadunor dagiti dua a driver iti motorsiklo kalpasan iti aksidente iti national highway idiay Barangay Maynganay Norte, Sta. Maria, Ilocos Sur.
Ti nagmaneho iti Red Euro motorcycle ket lalaki nga agtawen iti uppat a pulo, naasawaan, construction workr, awanan ti driver’s license, saan a nagaramat ti helmet nga agnaed idiay Dalagesen, Lagangilang, Abra.
Ti met nagmaneho iti white Honda Click motorcycle ket lalaki nga agtawen iti duapulo ket lima, baro, addaan ti valid driver’s license a nagaramat ti helmet.
Sakbay iti insidente, agpapaamianan a direksyon ti Honda Click idinto a ti Euro ket adda iti laud a paset idin simrek iti highway a nagturong iti daya a direksyon a gappuanan ti panagdinnungparda iti Honda Click.
Gapu dayta ket agpada a nadunor dagiti dua a driver isu a naipanda iti Ilocos Sur District Hospital-Narvacan para iti pannakatamingda.
