--Ads--
Natay dagiti dua a drayber iti panagdinnungpar dagiti minanehoda a motorsiklo iti national highway ti Barangay Basug, Santa, Ilocos Sur.
Ti Euro 125 Daang Hari motorcycle ket minaneho ti maysa a lalaki nga agtawen iti duapulo ket siam, taga-Barangay Banaoang idinto a ti met Honda Click ket minaneho ti maysa a lalaki nga agtawen iti tallopulo ket innem, taga-Barangay Sacuyya.
Iti pannaki-uman ti Bombo Radyo Vigan ken ni PEMS King Julius Crisolo iti Santa Police Station, immagaw ti linya ti Honda Click iti linya ti Euro motorcycle isu a nagdinnungparda.
Innayon ni Crisolo a nasipnget ti lugar a nakapasamakan ti aksidente.
-- ADVERTISEMENT --
Nagsagaba dagiti dua a drayber iti nakaro a dunor ket naipaagasda iti ospital ngem naideklarar ida a dead on arrival.
