--Ads--
Nagballaag ti Department of Trade and Industry kadagiti retailer kontra iti hoarding kadagiti napateg a produkto ken nalabes a panagpangina iti baet ti mapaspasaran a riribuk iti Middle East.
Segun iti DTI, ti hoarding ken profiteering ket saan a maipalubos ken mabalin a mamuelta wenno mabalud iti agingga 15 a tawen dagiti aglabsing, karamanen ti muelta nga umabot iti P2 million.
Binalakadan ti ahensia dagiti aggatang nga agridamda ken makikammayet kadagiti otoridad no madlaw a magungundawayan ti presio.
Pabilgen pay ti ahensia ti price monitoring tapno masigurado a nainkalintegan ti presio iti panawen ti krisis.
-- ADVERTISEMENT --
