Nangted ti suporta ti Department of Social Welfare and Development (DSWD) kadagiti Overseas Filipino Workers (OFWs) a nakaawid manipud idiay Middle East gapu iti agtultuloy a geopolitical crisis.
Segun ken ni DSWD Assistant Secretary Irene Dumlao, nakibinnulig ti ahensia iti Department of Migrant Workers, Overseas Workers Welfare Administration (OWWA), ken dadduma pay nga ahensia tapno masigurado a maited ti dagus a tulong kadagiti repatriated OFWs.
Karaman kadagiti serbisio ti maipaay nga psychosocial support kas ti stress debriefing, counselling, ken assessment ti social workers iti airport, pakairamanan ti programa nga “Angels in Red Vests.
Karaman pay ti koordinasion ti Department of Health para iti nayon a medical attention no kasapulan.
Adda met temporario a pagyanan kadagiti DSWD centers ken residential care facilities para kadagiti agkasapulan.
Pinasingkedan pay ni Dumlao ti Sustainable Livelihood Program (SLP) tapno matulongan dagiti nakaawid nga OFWs iti trabaho wenno negosio, pakairamanan ti job training, pre-employment processing, ken seed capital para iti microenterprise.
