Agtultuloy ti Department of Social Welfare and Development (DSWD) ti relief assistance kadagiti komunidad nga apektado ti napagtipon nga epekto habagat, Bagyo Luis, Maymay ken Neneng.
Impakaammo ti Disaster Response Operations Management, Information and Communition a nakaiwaras ti DSWD ti 1.66 million family food packs (FFPs), 13, 864 non-food items (NFIs), 22,993 ready-to-eat food (RTEF) items, ken P2.76 million iti financial aid kadagiti apektado a komunidad.
Tapno mapagtalinaed ti relief operations kadagiti apektado a rehion, pinagtalinaed ti DSWD ti strategic stockpile iti 3.79 million FFPs, 275,983 NFIs, ken 315,172 RTEF items a naka-prepositioned kadagiti warehouses iti intero a pagilian.
Kas mayataday ti bilin ni Pres. Ferdinand Marcos Jr. a siguradoen a saan a maitantan ti humanitarian aid bayat ti didigra babaen ti Buong Bansa Handa (BBH program), agtaltalinaed ti DSWD a naka-high alert tapno suportaran ti displaced populations.
