Nagpanawagan ti Department of Social Welfare and Development (DSWD) kadagiti amin a Pilipino nga agbalin nga aktibo iti panagreport kadagiti kaso ti domestic violence pakairamanan ti violence against women and children, gender-based violence ken dadduma pay a klase ti panagabuso.
Segun ken ni DSWD Spokesperson Assistant Secretary Irene Dumlao, rumbeng a saan a marikna dagiti babbai nga agmaymaysada iti pananglaban iti panagabuso ken rumbeng nga ammoda nga adda karbenganda nga agbiag a nawaya manipod iti kinaranggas.
Allukoyen ti DSWD dagiti bababi nga ipakaammo dagiti kaso ti kinaranggas ken i-access ti serbisyo nga available kadakuada ta ti VAWC ket krimen.
Mabalin nga ireport iti publiko dagiti kaso ti VAWC iti agduduma a channel a pakairamanan ti Philippine National Police (PNP), National Bureau of Investigation (NBI), Public Attorney’s Office (PAO), Council for the Welfare of Children Makabata Helpline ken ti local Barangay VAW desks.
