Maisagsaganan ti kaso a panaglabsing iti Republic Act 9165 wenno Comprehensive Dangerous Drugs Act of 2002 ti nakemmeg a street level individual idiay Barangay Poblacion West, Sta. Cruz.
Ti suspek ket ni Joselito Jenus Ablan, agtawen iti uppat a pulo ket walo, taga-Barangay Las-ud, Sta. Cruz.
Iti pannaki-uman ti Bombo Radyo Vigan ken ni Police Major Vincent Tadeo, saan a drug surrenderee ti suspek ngem sipud idi napan a tawen ket mamon-monitordan ti iligal nga aramidna.
Namin-tallo a darasda met nga insayangkatan iti test buy ket positibo ti resultana.
Naala manipud iti suspek ti nasurok kumurang 0.4 a gramo iti mapapati a shabu nga aggatad ti P2,720 a naipan iti maysa a piraso ti small heat-sealed transparent plastic sachet a nagserbi a buy bust item.
Ti met non-drug evidence ket maysa a piraso iti P1,000 buy bust money, dua a piraso iti sangagasut a pisos, maysa a piraso ti vivo Y11 color black ken maroon cellphone, maysa a lighter ken maysa a nangisit a coin purse.
