Dead on arrival ti maysa a lalaki a napaltugan idiay Barangay Cabigbigaan, Sto. Domingo, Ilocos Sur.
Ti biktima ket agtawen iti duapulo ket walo, agnaed iti nasao nga ili, drug surrenderee idi 2022.
Iti pannaki-uman ti Bombo Radyo Vigan ken ni Police Captain Carlo Rabago, agawid ti biktima a naggapu iti gayyemna iti nasao a barangay idi pinaltugan ti saan pay nabigbig a suspek a nagsagrapanna iti tama ti paltog iti ulo ken bagina.
Awan ti naduktalan a nakariri ti biktima ngem adda kasona a carnapping idiay Pinili, Ilocos Norte ken iti ili ti San Juan, Ilocos Sur.
Malaksid dayta, nagtakaw pay iti cellphone iti siudad ti Vigan ken idi napan a tawen ket positibo manen ti drug test-na.
Naala met manipud iti nakapasamakan ti pammaltog ti fired cartridges ti caliber 5.56 mm ken caliber .45 a paltog.
