VIGAN CITY-Natunton dagiti otoridad ti driver ti Toyota Corolla a nanghit-and-run ti Mitsubishi L-300FB a service ti BF funeral homes nga adda ti guyguyuden na a karro, a nabigbig a ni Joshua yabes, agtawen ti 23 ken taga Brgy. Paratong , Sinait, babaen iti entrapment operation gapu ta nabati na ti cellphone na iti nakapasamakan ti aksidente idiay barangay Bacsil, San Juan.
Segun kenni SP03 Romulo Aguilar ti San Juan Municipal Police Station, maibasar iti statement ni Yabes ket nakigtot isuna idi nakita na ti service ti punerarya a minaneho ni Marino Ureta, agtawen ti 53 ken taga Napo , Sto. Domingo isu a nabaddekan na ti silinyador imbes a ti preno ket nadungpar na ti nasao a lugan ngem tinarayan na ta nagbuteng.
Nagsagrap ti nakaro a pannakadadael ti lugan ti funeral homes ket napagtulagan a ni Yabes ti mangbaklay ti pagpatarimaan na.
