--Ads--
Baklayen ti drayber ti SUV dagiti magastos iti panagpaagas ti drayber ti kurong-kurong a nadungparna idiay Barangay Ampandula, Santa, Ilocos Sur.
Ti nagmaneho iti kurong-kurong ket agtawen iti tallopulo ket siam, barangay tanod, agnaed iti nasao nga ili.
Ti met nagmaneho ti Mitsubishi Montero ket agtawen iti uppat a pulo ket siam, agnaed iti Sampaloc 3, Dasmariñas City.
Iti pannaki-uman ti Bombo Radyo Vigan ken ni PLT. Ryan Jay Quiocho, aminado ti drayber ti SUV a naiturogna idi napasamak ti aksidente ket saanna nadlaw ti kurong-kurong isu a nadungparna.
-- ADVERTISEMENT --
Gapu dayta, natukkol ti kannigid nga ima ti drayber ti kurong-kurong a naipaagas iti ospital para iti naan-anay a pannakatamingna.
Saan met a naan-ano ti drayber ti SUV.
