--Ads--
VIGAN CITY – Maysa ti nadunor iti napasamak nga aksidente a nakairamanan ti motorsiklo ken kalesa iti Quirino Boulevard, Barangay VI, Vigan City, Ilocos Sur.
Nabigbig ti nagmaneho iti motorsiklo a Honda Click a ni Antonio Paet Navarrete, agtawen iti duapulo ket walo, taga-Barangay IX, Vigan City.
Ti drayber ket awan ti lisensyana, helmet ken nakainom idi mapasamak ti insidente.
Kabayatanna, ti met kutsero ket ni Mario Torres Santella.
-- ADVERTISEMENT --
Agpapa-abagatan ti kalesa ken motorsiklo idin ta natukbob ti motorsiklo ti likudan ti kalesa a sarsarunwenna.
Gapu dayta, nadunor ti nadumaduma a paset ti bagi ti drayber ti motorsiklo idinto a saan a naan-ano ti kutsero.
