VIGAN CITY – Nadunor ti drayber ti motorsiklo gapu iti pannakatukbobna ti SUV a sarsarunwenna iti national highway ti Barangay Puspus, Bantay, Ilocos Sur.
Ti Yamaha Aerox ket minaneho ni Crisson Jay Peredo Lopez, agtawen iti duapulo, taga-Barangay Malingeb, Bantay.
Ti met Mitsubishi Montero ket minaneho ni Ervin John Eligio Corpuz, agtawen iti duapulo ket uppat, taga-Sitio Marker, Barangay Ambucao, Santiago.
Maibasar iti CCTV footage, agpada nga agpapadaya a direksyon dagiti dua a lugan, a ti motorsiklo ket sarsarunwenna ti SUV.
Idi magtengda ti nakapasamakan ti insidente, imbumbuntog ti nagpataray ti SUV isu a nagpreno met ti motorsiklo ngem natukbobna ti likudan a paset ti sarsarunwenna a lugan.
Gapu iti impact, natinnag ti drayber iti kalsada ket naipasirok iti SUV.
Nagsagaba iti dunor ti nadumaduma a paset ti bagi ti drayber ti motorsiklo ken agalenna ti nasakit a tengngedna idintp a saan a naan-ano ti drayber ti SUV.
Ti SUV met ket nadadael ti rear bumper ken left rear fenderna ken nakaro met ti dadael ti motorsiklo.
Nakainom ti drayber ti motorsiklo, ken nakasuot iti helmet idi mapasamak ti aksidente.
