Nakasagana ti drayber ti kurong-kurong a mangbaklay iti magastos iti pannakaipaistimar ti van a natukbobna iti national highway idiay Zone 5, Bantay, Ilocos Sur.
Ti Toyota Hi-Ace Grandia LXV ket minaneho ni Hilario Pira Torrano, agtawen iti limapulo, taga-Barangay Poblacion East, San Ildefonso.
Ti met nagmaneho iti kurong-kurong ket ni Russel Navarro, agtawen iti duapulo ket dua, taga-Barangay Bayubay Norte, San Vicente.
Iti pannaki-uman ti Bombo Radyo Vigan ken ni Police Captain Sherwin Beroña, Deputy Chief of Police ti Bantay Police Station, agpapadaya dagiti dua a lugan iti kangitingitan ti traffic ket saan a napakadaan ti kurong-kurong ti panagpreno ti van isu a natukbobna.
Gapu dayta, napittak ti tail light ken black fender ti van.
Natiketan pay met ti drayber ti kurong-kurong gapu iti kaawan ti driver’s license-na a nagmaneho.
