Imbilin ni Department of Transportation (DOTr) Acting Secretary Giovanni Lopez iti Land Transportation Office (LTO) a masuspenso ti panag-kumpiskar iti driver’s license kadagiti kaso nga adda pakainaiganna iti traffic violations.
Segun ti DOTr, ti addang ket kas panangsurot ti bilin ni Presidente Ferdinand Marcos Jr. a simpaen ti patakaran iti panagtiliw kadagiti traffic violator.
Iti memorandum a nairuar idi kalman, imbilin ni Lopez ti LTO a suspensoen a dagus ti panag-kompiskar ti lisensya dagiti matiliw a drayber ken nasken a sukisoken da a nalaing ti amin a banag mainaig iti isyu tapno masigurado ti implementasion ti agdama a pagannurotan.
Manipud ti dati a 15 calendar days ket naaramid a 15 working days tapno maikkan ti gobierno ken publiko ti naan-anay nga oras tapno marisut ti kaso. /Reynand Fontejon
