Binilin ti Department of Transportation (DOTr) ti Land Transportation Office (LTO) a paayaban dagiti dua nga engineers iti Department of Public Works and Highways (DWPH).
Ti addang ket kalpasan a naibutaktak iti Senado nga agar-aramat dagiti dua a DPWH engineers iti peke a driver’s license iti panagserrekda kadagiti casino.
Binilin pay ni acting Transportation Secretary Giovanni Lopez iti LTO nga i-verify iti authenticity iti driver’s license a naipakita iti Senate hearing.
Iti pakpaka-una nga imbestigasyon iti LTO, rimmuar nga awan iti inruarda a lisensya iti salinong ti nagan a Marvin Santos de Guzman ken Joseph Castro Villegas.
Naammoan a dagiti nasao nga alyas ket ar-aramaten dagiti dua a DPWH engineers nu sumsumrekda kadagiti casino.
Binilin payen ti LTO a mangiruar ti Show Cause Order dagiti karaman a personalidad ken agipada iti report-da iti Senate Blue Ribbon Committee.
