Pinalagipan ti Department of Tourism (DOT) dagiti gagannaet a turista nga agbalin a naannad iti panagtignay, ugali ken irespeto dagiti lokal nu bumisita iti pagilian.
Segun ken ni Tourism Secretary Christina Frasco, kagiddan ti nabara a panangpasangbay ti Pilipinas kadagiti bisita manipod intero a lubong ket masapul nga ammoda nga irespeto dagiti Pilipino ken kultura kasta payen nga ammoda a sumurot iti paglintegan iti papananda.
Kinondenar iti DOT iti aniaman a klase iti panagabuso iti ugali dagiti turista, aniaman a klase dayta ket panangbastos ti kultura kadagiti Pilipino wenno panaglabsing ti karbengan dagiti umili.
Dinayaw ni Frasco iti napaspas ken panagtignay ti Philippine National Police (PNP) ken Bureau of Immigration (BI) iti pannakakemmeg ti Russian vlogger a ni Vitaly Zdorovetskiy a naaktoan iti video nga aghar-harass kadagiti Pilipino iti Bonifacio Global City idiay Taguig.
