Nakisaritan ti Land Transportation Office wenno LTO kadagiti delivery services ken courier para iti delivery dagiti plaka iti lugan.
Segun ken ni LTO Chief Asec. Marcus Lacanilao, kayatda a door-to-door iti panagdeliver kadagiti plaka iti lugan tapno convenient kadagiti akin-kukua iti lugan.
Maysa pay a wagas tapno makaliklik kadagiti fixer a makasapsapul babaen iti panagala kadagiti plaka iti lugan ken maideliver kadagiti akin-kukua.
Inallukoy ni Lacanilao dagiti akin-kukua iti lugan nga awan ti plakana a nangala ti authorization iti LTO tapno maaramat pay dagiti luganda bayat a mayur-uray dagiti plakada.
Maipalagip a sinuspenso iti LTO ti no plate, no travel policy nga epektibo koma inton November 1, 2025 tapno maikkan iti naan-anay a panawen dagiti motorista a mangala iti plaka bayat a masimsimpa iti sistema iti panagiwaras iti plate number.
