Vigan City – Nagkiddaw iti tulong ti Bombo Radyo Vigan ti maysa a domestic helper idiay Dammam, Saudi Arabia gapu iti panangilakoda kenkuana dagiti nagbalin nga amona.
Iti pannakiuman iti Bombo Radyo Vigan kenni Carmie Oca Tulpo a tubo iti La Pas, Abra, nakunana a kayatnan iti agawid iti pagilian no man pay makatawenna pay laeng gapu iti panagpasa pasa kenkuana dagiti agbalbalin nga amona ket iti agdama ket planoda manen nga ilako.
Segun kenni Tulpo, ganggani narames isuna ti umuna nga employerna, ti maikadua ket tupraanda iti taraonna, ken maikatlo ket nauyong ti asawa ti amona ta saanda nga ikkan ti taraon ken tupakanda iti washing board iti sakana.
No man pay naipakammonan kadagiti maseknan nga ahensya iti kasasaadna ket awan pay laeng iti sungbatda inaig ket nakuna laeng iti nagpatulonganna a kaduana nga OFW nga yurayna dagiti papelesna ta mapakaammuanto latta isunan ngem agingga itatta ket awan pay laeng.
