Imbilin ti Department of Labor and Employment ti akin-kukua ken contractor ti narpuog ti 9-storey building idiay Angeles City, Pampanga nga agbayad to kabuklan nga P11.7 milyon kas labor-related liabilities ken administrative fines.
Basar iti naisayangkat nga imbestigasion dagiti ahensia, napaneknekan a da Jackson Lim ken Golden Years Construction and Steelworks Corp ket adda bayadan da nga umabot iti P1.1 milyon para iti labor standard violations ken P10.3 milyon kas administrative fine gapu iti panaglabsing ti occupational ken health standards.
Rimmuar pay iti imbestigasion nga agtultuloy ti panagtrabaho dagiti trabahador uray adda ti work stoppage ti DOLE a nag-expose da iti delikado a kondision nga agresulta ti nakaro a perdisyon iti bagi wenno pannakatay.
Nakita pay ti DOLE ti sumagmamano a panaglabsing iti labor standards kas ti saan a panagbayad ti sweldo ken statutory benefits, underpayment, ken saan nga husto a pa-swelod no rest days, Sabado ken holidays.
Maipagarup a nagipasa ti kompania ti peke ken saan a valid certificates para iti pannakadutok ti first aider ken safety officer da.
