50 ti nadunor kalpasan ti napasamak a magnitude 7.1 a ginggined a timmama idiay Kumamoto, Japan, iti oras ti alas 3:27 ti malem, oras iti Pilipinas.
Iti pannakiuman ti Bombo Radyo Vigan ken ni Bombo International News Correspondent Hannah Galvez, saan pay daytoy a final assessment ta mannarimaan pay laeng ti search and rescue operation iti maysa a nag-collapse a mall.
Segun ken ni Galvez, adda dagiti pagtaengan, ken pasdek a nadadael kabayatan a sumagmamano a kalsada ti saan madalanan gapu ta nag-crack da.
Dagus a nagiruar ti direktiba iti Prime Minister ti Japan iti disaster management center ket minobilze da a dagus dagiti adda iti local areas ken tunggal city hall iti pagilian ket addan ti nakailatang a pondo para iti suplay ti taraon, ken tents a temporario a pagyanan.
Gapu ti ginggined, nagiruar ti Japan Meteorological Agency ti tsunami alert nga adda kangato na a nasurok maysa a metro.
Kabayatanna, kalaksidan ti ginggined ket adda pay napasamak nga uram kadagiti sumagmamano a pagtaengan ken dadduma a pasdek.
